Vieleišonys garom i jau pratiski aizamiersušs. Prīcej šmuka vosora, tiuleņ Leigū – dzeive ir skaista! Un dzeive ir krītni skaistuoka, kod izavielīs tū baudēt, darēt sovys dzelis, naīspringt iz probemom i reizem pat pīviert acs iz vysaidom nataisneibom. Dzeivojom tok viņ vīnreiz un vysys pasauļa suopis naizsuopeisi. Un bīži viņ myusim arī līkās – kū tod es tī taids vīns varu izdarēt? Kū muns vīns bolss maina?
Itymā reizē podkāstā parunuosim par tū, ka vieleišonys paruodē, ka koč kū maina gon, i na moz. Kotrs, kurš aizguoja nūbolstuot, tū izdarē na viņa par sevi, bet par vēl 2 cylvākim. Vīns par trejim – gondreiž kai “Treis musketīrūs”! Bet voi tīm 2, kas nabeja vielēt, vyspuor var kū puormest?
Kurš ir aita – tys, kurš īt bolsuot i, pīmāram, vāluok atskuorš, ka izdariejs pavysam aplomu izvieli, voi tys, kurš palīk sātā i nabolsoj nimoz? Cik sūļi nu demokratejis leidz autoritārismam? Voi tei ir eista demokrateja, ja 66% cylvāku ļaun vysu izlemt cytim i pat naaizīt iz vieleišonom? Voi varbyut tei ir normāla demokratejis sastuovdaļa – izavielēt naizavielēt? Kai nuookās, ka gon Latvejā, gon pasaulī demokrateja jūprūjom ir tik trausla i apdraudeita? Voi obligatu vieleišonu īvīšona byutu demokratiska? Voi varbyut kaidys bolvys, lotereja voi samoksa par bolsuošonu byutu loba ideja? Kas ir tys, kū varom reali darēt lokāli pi seva, Latgolā, lai styprynuotu myusu breiveibu i demokrateju? Itī i vēl daudzi cyti nūpītni i na cik nūpītni vaicuojumi pyrmūdiņ 20:00 Facebook tīšraidē.
Itymā reizē Leilai i Aijai pīsavīnuos Inga Zeltiņa-Ušpele. Inga ir sociali aktiva rēzeknīte, kura struoduojusi Eiropas Komisejā Luksemburgā, bet nu jau laiceņu atsagrīzuse atpakaļ dzymtajā Latgolā.
https://www.facebook.com/leila.rasima/videos/4307390379305578
Visus šī raidījuma ierakstus var klausīties arī Spotify (https://open.spotify.com/show/4XPbpV1HdksxnxnHgLLUVN) un Apple (https://podcasts.apple.com/us/podcast/ej-%C5%A1%C4%AB-parunuosim/id1521817328).
